မယ်တော်ဆေးခန်း နှင့် ကြားကာလဖက်ဒရယ်သူနာပြုနှင့်သားဖွားကောင်စီတို့ တွေ့ဆုံမိတ်ဆက်ဆွေးနွေးခြင်းအစည်းအဝေးကို ၁၃.၆.၂၀၂၄ ရက်နေ့ နံနက် ၁၀:၀၀နာရီတွင် ပြုလုပ်ခဲ့ပါသည်။
အစည်းအဝေးသို့တက်ရောက်လာသော FHPC မှ ဒေါက်တာခင်မောင်လွင်က တွေ့ဆုံသည့်အပေါ်အမှတ်တရစကားပြောကြားပေးခြင်း၊ မယ်တော်ဆေးခန်းမှတာဝန်ရှိသူများက ကြိုဆိုနှုတ်ဆက်စကားပြောကြားပေးခြင်း အစီအစဥ်များဖြင့် စတင်ခဲ့ပါသည်။
ဆက်လက်၍ IFNMC မှ ကောင်စီ၏နောက်ခံသမိုင်းကြောင်း၊ ဦးတည်ချက်၊ ရည်မှန်းချက်များနှင့် လုပ်ငန်းစဥ်များအား တင်ပြခြင်း၊ မယ်တော်ဆေးခန်းမှကျန်းမာရေးစောင့်ရှောက်မှုပေးနေခြင်းကိစ္စရပ်များနှင့် သူနာပြုနှင့်သားဖွားကျောင်းဖွင့်လှစ်ခြင်းကိစ္စများအား တင်ပြကြပြီးနောက် သိလိုသည်များအားအပြန်အလှန်မေးမြန်းဆွေးနွေး၍ IFNMC ပညာရေးကော်မတီနှင့်ရှေ့ဆက်လုပ်ဆောင်ရမည်များကို ညှိနှိုင်းခဲ့ကြပါသည်။